|
Hafan > Amdanom ni > Yn fodlon â’n gwasanaeth
Rydym yn croesawu cwynion fel cyfrwng pwysig ar gyfer parhau i wella’n gwasanaeth ac rydym wedi ymrwymo i weithredu yn ôl y safonau a ddisgwyliwn gan eraill wrth ddelio gyda chwynion.
Wrth ystyried cwynion amdanom ni, anelwn at ddefnyddio ein Hegwyddorion Gweinyddu Da, sef:
• cael pethau’n iawn
• canolbwyntio ar y cwsmer
• bod yn agored ac yn atebol
• gweithredu'n deg ac yn gymesur
• unioni pethau
• ceisio gwelliant parhaus
Pwy all gwyno?
Gall unrhyw un sy’n dod i gysylltiad â’n gwasanaeth ac sy’n anhapus neu’n anfodlon gwyno. Er enghraifft, efallai eich bod am gwyno am ein penderfyniad yn eich achos, am ein gwasanaeth neu am ein penderfyniad yng nghyswllt eich cais Rhyddid Gwybodaeth neu Ddiogelu Data.
Wrth bwy y dylwn i gwyno?
Gallwch gwyno mewn sawl ffordd. Gallwch wneud y canlynol:
• cysylltu â’r aelod staff yr ydych eisoes wedi cael cyswllt ag ef/hi;
• cysylltu â rheolwr yr aelod staff hwnnw (gall y Llinell Gymorth ar 020 7217 4076 roi’r wybodaeth honno i chi);
• ysgrifennu at y Dirprwy Ombwdsmon;
• ffonio ein llinell gymorth bwrpasol 'cwynion am y OSGI’ ar 020 7217 4076; neu
• anfon e-bost atom yn complaintsaboutphso@ombudsman.org.uk .
Yn ôl i'r brig
Oes yna gyfyngiad ar yr amser ar gyfer cwyno?
Fe wnawn bopeth o fewn ein gallu i ymchwilio i'ch cwyn. Fodd bynnag, yn unol â’n polisi rheoli cofnodion, rydym yn dinistrio rhai papurau ar ôl cyfnod penodedig o amser (14 mis ar ôl i’ch achos ddod i ben, fel arfer) ac efallai na fyddwn yn gallu ymchwilio i’ch cwyn oherwydd diffyg tystiolaeth ddogfennol.
Beth fydd yn digwydd i’m cwyn?
Unwaith i chi gwyno i’r Swyddfa hon, anelwn at gydnabod hynny o fewn 5 diwrnod gwaith. Bydd y gydnabyddiaeth honno’n dangos pwy fydd yn gyfrifol am ymateb i chi. Yr Ombwdsmon fydd y person hwnnw neu berson arall a benodir ganddi.
Byddwn yn rhoi ystyriaeth ddifrifol i’r materion y byddwch chi’n eu codi. Pan ganfyddwn gamgymeriadau yn ein gwasanaeth neu ein penderfyniad blaenorol byddwn yn cydnabod y camgymeriadau hynny ac yn cynnig ateb priodol.
Disgwylion ymateb i'r rhan fwyaf o gwynion ymhen 16 wythnos i'r diwrnod y bydd y gŵyn yn ein cyrraedd.
Bydd yr amser a gymerir i ymateb yn amrywio yn dibynnu ar ddifrifoldeb a chymhlethdod y gŵyn.
Byddwn yn asesu’ch cwyn amdanom ni pan fydd yn cyrraedd a phenderfynu a ydyw, mewn amgylchiadau eithriadol, yn haeddu cael blaenoriaeth.
Os na allwn ymateb ymhen 16 wythnos oherwydd, er enghraifft, bod angen gwneud mwy o waith ar y materion a godir gennych, rhown wybod i chi.
Yn ôl i'r brig
Beth os ydw i’n dal i anghytuno?
Unwaith y bydd yr Ombwdsmon neu un o’i phenodeion wedi ystyried eich cwyn ac wedi anfon ateb atoch, mae eu penderfyniad yn derfynol. Byddwn yn cydnabod unrhyw ohebiaeth bellach oddi wrthych ond, onid yw’n codi materion newydd sydd o bwys yn ein tyb ni, ni fyddwn yn anfon rhagor o ymatebion atoch.
Alla’ i apelio yn erbyn penderfyniadau’r Ombwdsmon?
Gall penderfyniadau’r Ombwdsmon fod yn destun adolygiad barnwrol ac efallai yr hoffech gael cyngor cyfreithiol ar y mater hwnnw. Rhaid gwneud ceisiadau am adolygiad barnwrol yn brydlon (fel arfer o fewn tri mis i'r penderfyniad).
Os ydych chi'n dal yn anfodlon â'n penderfyniad ar ymateb yn ymwneud â rhyddid gwybodaeth neu ddiogelu data, cewch gwyno wrth y Comisiynydd Gwybodaeth. Ceir rhagor o wybodaeth yn www.ico.gov.uk .
At bwy y gallaf anfon sylwadau, canmoliaeth ac awgrymiadau?
Os ydych am anfon canmoliaeth neu sylw atom neu awgrymu ffordd o wella’n gwasanaeth, cysylltwch â’r sawl sy’n delio gyda’ch achos. Neu gallwch anfon e-bost i complaintsaboutphso@ombudsman.org.uk neu gysylltu â’n Llinell Gymorth arbennig ar 020 7217 4076.
Yn ôl i'r brig
|
